Ազգային անվտանգության ծառայության (ԱԱԾ) աշխատակիցները քիչ առաջ դուրս են եկել ԵԿՄ-ի Էջմիածնի տարածքային գրասենյակից ԱԺ ՀՀԿ խմբակցության պատգամավորներ, գեներալներ Մանվել Գրիգորյանի եւ Սեյրան Սարոյանի հետ: Գրիգորյանին նրանք ուղեկցել են դեպի ավտոմեքենա եւ հեռացել: Այս մասին հաղորդում է NEWS.am-ի թղթակիցը:

Սեյրան Սարոյանը նույնպես ցանկացել է գնալ Մանվել Գրիգորյանի հետ, սակայն ԱԱԾ-ականները թույլ չեն տվել: 

NEWS.am-ի աղբյուրներն իրավապահ համակարգում հայտնում են, որ Մանվել Գրիգորյանը բերման է ենթարկվել:

Նշենք, որ այսօր վաղ առավոտից ԱԱԾ-ն հատուկ գործողություններ է իրականացնում Էջմիածնում, այդ թվում՝ Մանվել Գրիգորյանի ամառանոցում եւ Դոն Պիպոյի առանձնատանը: Ժամեր առաջ ԱԱԾ-ն բերման է ենթարկել նաեւ քրեական հեղինակություն Դոն Պիպոյին՝ Արթուր Ասատրյանին:

• Դոն Պիպոն բերման է ենթարկվել
• Էջմիածնում իրավապահները շրջափակել են ԵԿՄ-ի գրասենյակի շենքը. այստեղ է եկել նաեւ Վահրամ Բաղդասարյանը
• ԱԱԾ-ն գործողություններ է իրականացնում Մանվել Գրիգորյանի ամառանոցում եւ Դոն Պիպոյի առանձնատանը